ଭୋରୁ ନଈକୁ ଗାଧୋଇବାକୁ ଯାଇଥିବା ବେଳେ ଜଣେ ମହିଳାଙ୍କୁ କୁମ୍ଭୀର ଟାଣିନେଲା

ପଟ୍ଟାମୁଣ୍ଡାଇ: ଗତ ଏକ ସପ୍ତାହ ହେଲାଣି ବନ୍ୟା ଘେରରେ ଥିବା ଅଳପୁଆ ପଂଚାୟତର ଦାମଦର ପାଟଣା ଗାଁରେ ଏକ ଅଭାବନୀୟ ଘଟଣା ଘଟିଛି। ବନ୍ୟା ପାଣି କମୁଥିବା ବେଳେ ଭୋରୁ ନଈକୁ ଗାଧୋଇବାକୁ ଯାଇଥିବା ବେଳେ ଜଣେ ମହିଳାଙ୍କୁ କୁମ୍ଭୀର ଟାଣି ନେଇଛି। ଏ ମହିଳାଙ୍କ ନାମ ହେଉଛି ସୁଚିତ୍ରା ଦାସ ଓ ବୟସ ୪୬ ବୋଲି ଜଣା ପଡ଼ିଛି।

 କେନ୍ଦ୍ରାପଡା ଜିଲ୍ଲାପାଳ ରଘୁରାମ ଆୟାର ବନ୍ୟାଞ୍ଚଳ ଗ୍ରସ୍ତ ସମୟରେ କୁମ୍ଭୀର, ବାରହା ଆତଙ୍କ ବିଷୟରେ ଲୋକେ ଅଭିଯୋଗ କରିଥିଲେ। ବନବିଭାଗ ପକ୍ଷରୁ ସଚେତନତା କାର୍ଯ୍ୟକ୍ରମ କରାଯିବ ବୋଲି ପ୍ରତିଶ୍ରୁତି ଦେଇଥିଲେ। ଅଦ୍ୟାବଧି ବନ କର୍ମଚାରୀମାନେ ସଚେତନତା ତ ଦୂରର କଥା ଘଟଣା ସ୍ଥଳକୁ କେହି ଆସିନଥିବା ଲୋକେ ଅଭିଯୋଗ କରିଛନ୍ତି। ବନ କର୍ମଚାରୀଙ୍କର ଏଭଳି ଦାୟିତ୍ୱହୀନ କାର୍ଯ୍ୟ ପାଇଁ ସାଧାରଣରେ ଅସନ୍ତୋଷ ପ୍ରକାଶ ପାଇଛି।